[p.124, marginal:] Coaty rostro prodigioso largo. [p.124] Alterum, de quo etiam mihi dice[n]dum est, à Barbaris Coaty appellatum, altitudine leporis est, breui pilo & maculoso, auriculis paruulis & acutis, capite cùm paruo, tum ab oculis eminente rostro, plus pede vno longo, scipionis instar tereti, subitò ad extremum decrescente, ita vt æquè sit omnino crassus, ore ita augusto, vt vix auricularem digitum recipiat, nullu[] prodigiosius inueniri potest: deinde cùm hæc est capta fera collectis quatuor pedibus, aut in alterum vergit latus, aut [p.125] concidit, neque vnqua[] erigi, neque potest vt vescatur nisi præbea[]tur formicæ. vnde etiam in syluis sibi victum parat. Octauo ferè die, quo ad Villagagnonem venimus, Barbari eius generis ferà nos attulerunt, quæ ob nouitatem omnes magna impleuit admiratione. Nam, vt commemoraui, cùm si cum nostratibus conferatur sit valde prodigiosa, sæpe à quodam ex nostris familiaribus excellenti pictore summopere con tendi, vt tum illam, tum plerasque ceteras, non tantùm admirabiles verùm etiam nobis incognitas, penicillo representare vellet, quod maximo dolore meo nunquam ab illo impetraui.